HIMANI
COOKING OIL
Spec work for a cooking oil brand that let me have a gala time working on lip smacking lines
and slice of life insights.
SCRIPT 1
OFFICE WALA SAMOSA
A hot samosa is coming out of the boiling oil, and the wife is smiling and putting it in the husband’s dabba.
Cut to:
Same samosa being unveiled, as the dabba is opened by the husband in office.
VO: Yeh lubhlubhate aloo se bhara samosa kya kya nahi kar sakta hai! Yeh muh mein pigalne wala masala, jo khara namkeen papdi mein lapeta hua hain. Iss swaad ke samundar mein toh koi bhi doob sakta hai.
(Walking past a fellow employee with a smug look on his face)
Sharma ji ki chaar saal ki chamchagiri ko ek chamach bhar samosa mita sakta hai.
(we see a fat salivating boss waiting in the glass cabin)
Ye dekhiye, samose ki khushboo hi Mr. Malhotra ki aankhein band karne ke liye kaafi hai.
Unke muh mein Yamuna behne lagi hain.
Yeh unko, chillane wala bulldog se laar tapkaane wala labrador bana sakta hai.
Iski khushboo apko double promotion dila sakti hai
Honton ko chootey hi apko AC cabin dila sakti hai. Woh bhi AC secretary ke saath.
(The boss’s hot secretary winks at you)
Jeeb pe padte hi diwali ki bonus March mein hi dila sakta hai!
Sirf ek tukda hi, seedha 9th floor se taap floor bhej sakta hai.
Yeh swaad ki seedi apko kai unchayon tak pahucha sakta hai.
Agar ye saaste, khule tel se na bana ho toh!
(Boss holds his stomach with a grimace on his face, as his stomach gurgles)
VO: Saasta tel mehenga pad sakta hai! Use kare Himani Best choice packaged oil. Ab sirf 61rs litre mein payiye budget mein swad aur swast.
SCRIPT 2
MUH DIKHAI KACHORI
Steaming kachoris are being taken out of the boiling oil, and a demure young girl all dressed up, is carefully arranging them a plate.
Cut to:
The plate is being carried into a room full of relations. The groom’s side is looking on expectantly.
VO: Yeh garma garam khasta kachori ki plate ka jo wazan hain, woh dikta nahin hai. Iski mukhrochak swad kya kya nahin kar sakta hai. Iske ek ek tukde mein takat hai!
Sirf ek mahek se hi honewala sasoorji ke mooche kapne laage hain.
Aur plate dekhte hi honewale pati parameshwar ke aankhein kachori ke tarah gol ho gaye hai.
Yeh kachori unke NRI dil ko swadesh ki swad se pigal sakta hai.
Iski khushboo unke dimaag se iske agey ki har rishta bhula sakta hai.
Isko chakna hi kaafi hai, Paris mein two days, two nights ka honeymoon set karne ke liye.
Khatey hi yeh, unke mann mein apko miss India bana de, aur woh apko missus bane de.
Iska ek nivala hi apko dila sakta hai foreign wala rishtedaar ki status.
Son: (sniffs the food) Mummy! Yeh baansi hai...
VO: Agar ye saaste, khule tel se na bana ho toh!
(The groom’s side gets up)
VO: Saasta tel mehenga pad sakta hai! Use kare Himani Best choice packaged oil. Ab sirf 61rs litre mein payiye budget mein swad aur swast.
SCRIPT 3
KITTY PARTY MATRI
A maid is taking out deep fried matris from the kadai, and putting them in a bowl. As a dressed up woman oversees her with an eagle eye.
Cut to:
The woman unveiling the bowl of matris at a kitty party.
VO: Ek makhmali matri ki shakti aap kya janoge... yeh namkeen mazedar nashta ke samne saab jhuk jaate hai! Iski mukhrochak gunn bahut hi prabhavshali ho sakta hai!
Yeh dekhiye dabba khulte hi iska assar hone laga hai.
Nak unchi Pammi ki nak khushboo ko doobte hui insaan ki tara leh rahi hai.
Matri dekh ke magan Sarla apni foreign wala diet bhul chuki hai.
Aur Roma ki lipstick beh rahi hai, muh mein paani se.
Reshma ki manicured hath taras rahe hai.
Yeh hai matri ki shakti.
Yeh society mein apko social butterfly bana sakta hai.
Ek taste iska, aur aap har invitation, har list mein shamil ho jayenge.
Muh khulte hi, parties, clubs, sabke darwaze khul ne lag sakte hai.
Iska ek nivala hi apko dila sakta hai foreign wala rishtedaar ki status.
Sarla: (sniffs the food) Yeh toh smell kar raha hain...
VO: Agar ye saaste, khule tel se na bana ho toh!
(The ladies get up and go.)
VO: Saasta tel mehenga pad sakta hai! Use kare Himani Best choice packaged oil. Ab sirf 61rs litre mein payiye budget mein swad aur swast.